Япон Улсын Нийгмийн Хөгжлийн Сан, Дэлхийн банк болон Хүнс, хөдөө аж ахуй, хөнгөн үйлдвэрийн яамнаас хэрэгжүүлж буй Цахим хоршоо төслийн 2-р бүрэлдэхүүн хэсгийн хүрээнд малчид, малчдын хоршоодын чадавхыг бэхжүүлэх, орлогыг нэмэгдүүлэх, малын гаралтай түүхий эд болох ноос-ноолуурын чанарыг сайжруулахад шаардлагатай бараа-ажил-үйлчилгээг хоршоодын эрэлт хэрэгцээнд үндэслэн дэмжлэг үзүүлж, хамтран санхүүжүүлэх юм.

Цахим хоршоо төсөл нь 2025-2026 онд хоёр жилийн хугацаатай хэрэгжих бөгөөд Дэд төсөлд Архангай аймгийн Батцэнгэл, Цэнхэр, Өвөрхангай аймгийн Баянгол, Арвайхээр, Баянхонгор аймгийн Бууцагаан, Бөмбөгөр, Ховд аймгийн Мөст, Дарви сумдын малчид, малчдын хоршоод хамрагдана.

• Дэд төсөл хэрэгжүүлэх зааврын хүрээнд баримт бичиг, хууль эрхзүйн шаардлагыг хангасан байх.
• Энэхүү Цахим хоршоо платформд бүртгүүлсэн байх.
• Цахим хоршоо төслөөс зохион байгуулсан хөтөлбөр, сургалтад хамрагдсан байх.

Хоршооноос ирүүлсэн дэд төслийн өргөдлийн санхүүжилтийн үнийн дүнгийн 10 хувийг тухайн хоршоо санхүүжүүлэх боломжтойг илэрхийлэх.